İlkin Lələyevin təqdimatında: 2022-ci il üzrə fərdi sahibkarların sosial sığorta ödənişləri

İlkin Lələyevin təqdimatında: 2022-ci il üzrə fərdi sahibkarların sosial sığorta ödənişləri

Xəbər verdiyimiz kimi, Prezident İlham Əliyevin sərəncamı ilə minimum aylıq əməkhaqqının məbləği 2022-ci il yanvarın 1-dən 300 manat müəyyən edilib. Bu səbəbdən gələn ildən işləyən vətəndaşların və işəgötürənlərin sosial ödənişlərinin məbləği dəyişə bilər.

Mühasib İlkin Lələyev bildirib ki, bu dəyişikliyin təsdiq edilməsi iqtisadiyyatda özünəməxsus sosial-iqtisadi nəticələr vəd etməklə bərabər, minimum əməkhaqqı məbləği əsasında hesablanan sosial sığorta və icbari tibbi sığorta məbləğlərinin müəyyən edilməsinə də öz təsirini göstərib. Belə ki, 1 yanvar 2022-ci il tarixindən etibarən sözügedən dəyişiklik şamil edilərək, sosial sığorta haqqında qanunun 14.5.-ci maddəsi üzrə hesablanan muzdlu işə aid olmayan fəaliyyətdən gəlir əldə edən sığortaolunanlar üzrə məcburi dövlət sosial sığorta haqqı məbləği aşağıdakı qaydada hesablanacaqdır:

1. Tikinti sahəsində fəaliyyətlə məşğul olan fərdi sahibkarlar tərəfindən:

Bakı şəhərində:

(300 manat x 50%) x 100% = 150 manat.

Sumqayıt və Gəncə şəhərində:

(300 x 50%) x 90% = 135 manat.

Digər şəhərlərdə:

(300 x 50%) x 80% = 120 manat.

Rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə:

(300 x 50%) x 60% = 90 manat.

Kənd yerlərində:

(300 x 50%) x 50% = 75 manat.

2. Digər (o cümlədən ticarət) sahələrdə fəaliyyətlə məşğul olan fərdi sahibkarlar tərəfindən:

Bakı şəhərində:

(300 x 25%) x 100% = 75 manat.

Sumqayıt və Gəncə şəhərində:

(300 x 25%) x 90% = 67,50 manat.

Digər şəhərlərdə:

(300 x 25%) x 80% = 60 manat.

Rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə:

(300 x 25%) x 60% = 45 manat.

Kənd yerlərində:

(300 x 25%) x 50% = 37,50 manat.

Bundan başqa “Tibbi sığorta haqqında” Qanunun 15-10.1.3-cü maddəsinin tələblərinə uyğun olaraq gələn ildən vergi ödəyicisi kimi vergi uçotuna alınmış fiziki şəxslər tərəfindən minimum aylıq əməkhaqqı məbləğinin 4 faiz həcmində icbari tibbi sığorta məbləği hesablanacaq. Bu məbləğ də 01.01.2022-ci il tarixindən etibarən 12 manat (300 manat*4%) təşkil edəcəkdir.

Onu da qeyd edək ki, sosial sığorta və icbari tibbi sığorta məbləğləri Vergi Məcəlləsinə əsasən sahibkarlıq fəaliyyətinin və ya digər vergi tutulan əməliyyatlarının müvəqqəti dayandırıldığı hallar istisna olmaqla, vergi tutulan gəlirin həcmindən asılı olmayaraq sabit aylıq məbləğ olaraq müəyyən edilib və tutularaq dövlət büdcəsinə ödənilir.

 

Hal-hazırda satışı davam edən NƏŞRLƏRİMİZ

1) "Vergi Məcəlləsi: Ümumi hissəsinin izahı" -qiymət 45 (40) manat  (Satışına start verilib) 

2) Vergi uçotu: A-dan Z-yə kitabı (V nəşr) - qiymət 40 (35) manat (Satışına start verilib)

3) Əməyin uçotu: A-dan Z-yə kitabı - qiymət 45 (40) manat (Satışına start verilib)

4) “A-dan Z-yə Kargüzarlıq” (IV nəşr) - qiymət 40 (35) manat (Satışına start verilib)

5) Vergi Qanunvericiliyi və Testlər Toplusu  - qiymət 35 (30) manat  (Satışına start verilib)

6) Əmək Qanunvericiliyi və Testlər Toplusu  - qiymət 35 (30) manat (Satışına start verilib)

Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.

Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.

Qeyd 3. Kitabların qiymətinə istənilən ünvana çatdırılma və CD-disk daxildir.

Sifarış üçün əlaqə vasitələri: 050-368-12-72, 012-564-86-85 və ya [email protected]

1 Komment

  1. Yasin 25 May 2022

    Yararli yazi oldu

Şərh yazın

Xəbərlər