Vergi ödəyicisi hansı şəxslərə limit nəzərə alınmadan ödəniş edə bilər?

Satışı davam edən “Vergi uçotu: A-dan Z-yə” (V nəşr) kitabından seçmə

Qeyd etdiyimiz kimi, aylıq 15 000 və 30 000 manatlıq limit “Nağdsız hesablaşmalar” haqqında Azərbaycan Respublikası Qanununun 3.5-ci maddəsinin tələbləri nəzərə alınmadan tətbiq edilir. Qanunun 3.5.-ci maddəsində qeyd edilir ki, vergi ödəyiciləri tərəfindən vergi ödəyicisi olmayan fiziki şəxslərdən aşağıdakı mallar nağd qaydada satın alına bilər:

- Kənd təsərrüfatı məhsullarının istehsalçılarından kənd təsərrüfatı məhsullarının qəbulu;

 - Əlvan və qara metal qırıntılarının qəbulu;

- Utilizasiya və digər məqsədlər üçün kağız, şüşə və plastik məmulatların qəbulu;

- Utilizasiya məqsədləri üçün işlənmiş şinlərin qəbulu;

 - xam dərinin tədarükü (alışı).

Mİsal 1. “A” MMC kənd təsərrüfatı məhsullarının istehsalçısından 50 000 manatlıq məhsulu nağd qaydada alır. Məbləğin 30 000 manatdan çox olmasına baxmayaraq, bu əməliyyat nağdsız hesablaşma qaydasını pozmur.

Bu maddədə diqqət çəkən məqam odur ki, qarşı tərəf vergi ödəyicisi olmasın. Əgər “A” MMC-nin 50 000 manatlıq kənd təsərrüfatı məhsulu aldığı şəxs vergi ödəyicisidirsə, o zaman qanunun tələbləri pozulmuş hesab olunacaq. Eyni misal əlvan və qara metal qırıntıları, utilizasiya və digər məqsədlər üçün kağız, şüşə və plastik məmulatları və utilizasiya məqsədləri üçün işlənmiş şinlərin qəbuluna da aiddir.

Bir məsələni də qeyd edək ki, Vergi Məcəlləsinə 1 yanvar 2019-cu il tarixdən edilən dəyişikliyə əsasən, yuxarıda qeyd edilən malların (kənd təsərrüfatı istehsalçısından alınan kənd təsərrüfatı məhsulu istisna olmaqla) alınması zamanı ödəmə mənbəyində 2 faiz vergi tutulur.

Mİsal 2. “A” MMC vergi ödəyicisi olmayan fiziki şəxslərdən 40 000 manatlıq əlvan və qara metal qırıntılarını qəbul edirsə, o zaman həmin şəxslərdən ödəmə mənbəyində 800 manat (40 000 manat x 2 faiz)  vergi tutaraq dövlət büdcəsinə ödəməlidir.

2021-ci ilin iyun ayında satışda olan kitablar: