Vergi ödəyicisinin kassasına vəsait hansı hallarda daxil olur?

Satışı davam edən “Vergi uçotu: A-dan Z-yə” (V nəşr) kitabından seçmə

Azərbaycan Respublikası Nazirlər Kabinetinin 30 sentyabr 2020-ci il tarixli, 365 nömrəli Qərarı ilə “Vergi ödəyicilərində nağd pul vəsaitinin uçotu və kassa əməliyyatlarının aparılması qaydası”nda  vergi ödəyicisinin kassasına daxil olan nağd pul vəsaitlərinin mənbələri göstərilib:

-  malların (işlərin, xidmətlərin) təqdim edilməsindən əldə edilən pul vəsaitləri;

- bank hesablarından məxaric edilmiş pul vəsaitləri;

- təsisçidən və digər şəxslərdən alınmış borclar;

- verilmiş borcların (o cümlədən, təhtəlhesab şəxslərə verilmiş vəsaitlərin) qaytarılması;

- malların (işlərin, xidmətlərin) təqdim edilməsinə görə alınmış avanslar;

- məhkəmə qərarları əsasında həyata keçirilmiş ödənişlər;

- işçi heyətinə artıq ödənilmiş pul vəsaitlərinin qaytarılması;

-  yuxarıda qeyd edilənlərdən əlavə digər mənbələrdən.

Qeyd olunan pul vəsaitlərinə görə tərtib edilən kassa mədaxil orderində pul vəsaitlərinin təyinatı göstərilməlidir.

Mİsal 1. Vergi ödəyicisi 18 yanvar 2021-ci ildə təhtəlhesab şəxsə 300 manat ödəyib. Təhtəlhesab şəxs 21 yanvar 2021-ci ildə avans hesabat təqdim edib və 50 manat vəsaiti geri qaytarıb. Vergi ödəyicisi ciddi hesabat blankı olan kassa mədaxi orderinə təhtəlhesab şəxsin adı, soyadı, atasının adı və vəzifəsi ilə yanaşı, ödəniş təyinatında “Təhtəlhesab şəxsdən vəsait geri qaytarılır (01/21 saylı avans hesabata əsasən) qeydini yazmalıdır.

Qaydanın 2.1-ci maddəsində qeyd edlir ki, bank hesabından çıxarılan pul vəsaitinin təyinatı nağd pulun alınmasında istifadə edilən çek kitabçasında, habelə bankın məxaric orderində göstərilən təyinatlar (mal və xidmətlərin alınması üçün, əməkhaqqı və ona bərabər tutulan ödənişlər üçün və digər) üzrə müəyyən edilir.

Mİsal. Vergi ödəyicisi bank hesabından əmək haqqı təyinatı ilə çıxardığı 5000 manat vəsaiti təsərrüfat xərcləri üçün istifadə etməməlidir.

2021-ci ilin iyun ayında satışda olan kitablar: