Elektron alış sənədinin tətbiqi hansı zərurətdən yarandı? (14-cü yazı)

Vergi məsələləri üzrə ekspert Anar Bayramov elektron alışla bağlı dəyişikliklərə aydınlıq gətirib: “Vergilər Nazirliyinin nümayəndələri ilə görüş zamanı ekspertlər vergi ödəyicisi olmayan şəxslərdən malların alınmasının ödəmə mənbəyində tutulan vergi bəyannaməsində qeyd olunmasını təklif etmişdi. Vergi Məcəlləsinin 73-cü maddəsinə əsasən, ödəmələr haqqında məlumatların verilməsi nəzərdə tutulub.

Hüquqi şəxsdən icarəyə götürülən əmlak zamanı ödəmə mənbəyində vergi öhdəliyi yaranmasa, icarəyə götürən şəxslər məlumat xarakterli olaraq icarə haqda ödənişlərini ödəmə mənbəyində tutulan vergi bəyannaməsində qeyd edirlər. Təklif olunmuşdu ki, xüsusilə kənd təsərrüfatı malları təqdim edən şəxslərə ödəmələr haqqında bəyannaməyə xüsusi sətir əlavə olunsun.  Müzakirənin yekunu olaraq, ödəmələr haqqında məlumatın elektron alış sənədi vasitəsilə  keçirilməsi məqsədəuyğun hesab edildi.”

Qeyd edək ki, bu fikirlər  Mks.az saytının təşkilatçılığı 23 noyabr 2019-cu il tarixdə keçirilən "2020-ci ilin Vergi Məcəlləsini birlikdə öyrənək" adlı ödənişsiz seminarda səsləndirilib.

"Əmək Münasibətləri: A-dan Z-yə" (VII nəşr) və "Kargüzarlıq: A-dan Z-yə" (II nəşr)  artıq SATIŞDA