Prezident təsdiq etdiyi Vergi Məcəlləsinə dəyişikliklərlə Milli Məclisə təqdim olunan variantda FƏRQLƏR (1-ci yazı)

Xəbər verdiyimiz kimi, Prezident Vergi Məcəlləsinə olan dəyişiklikləri təsdiq edib. Mks.az-ın ekspertləri Vergi Məcəlləsinin Milli Məclisə təqdim olunan və Prezident tərəfindən təsdiq olunan son variant arasındakı fərqlər haqqında araşdırma aparıb. Oxucularımız üçün maraqlı olacağını nəzərə alaraq, həmin araşdırmaların nəticələrini Sizə təqdim edirik.

Milli Məclisə təqdim olunan variantda neft-qaz sahəsi ilə yanaşı digər sahələrdə fəaliyyət göstərən vergi ödəyiciləri üçün fərqli yanaşma tətbiq olunmağı təklif edilirdi. Bu zaman 2 variant təklif olunurdu ki, birinci variantda hər bir fəaliyyət üzrə işçilərin ayrıca uçotun aparılması idi. İkinci  variantda isə fəaliyyət sahələri üzrə bölüşdürmə mümkün olmadıqa mühasibatlıq,  audit, hüquq, məsləhət, məlumatların təhlili və emalı işlərinin yerinə yetirilməsi üzrə işçilərin əmək haqqısına 8000 manata kimi gəlir vergisindən azad edilməsi idi. Hər iki halda şirkət 2 hal üzrə muzdlu işlə əlaqədar ödəmə mənbəyi üzrə vergi bəyannaməsi tətbiq etməlidi.  Milli Məclisə təqdim olunan variantda əlavə olunan maddələr aşağıdakı kimi idi:

101.1-4. Vergi ödəyicisi neft-qaz sahəsində fəaliyyətlə yanaşı digər sahələrdə fəaliyyət göstərdiyi halda müxtəlif vergi dərəcəsi tətbiq edilən fəaliyyət sahələrinə cəlb edilən işçilərin uçotunu ayrılıqda aparır. Belə uçot aparılmadığı halda vergilər bu Məcəllənin 101.1-ci maddəsinə uyğun olaraq hesablanır.

101.1-5.   Bu Məcəllənin 101.1-1-ci maddəsində nəzərdə tutulan fəaliyyət sahəsinə bilavasitə cəlb edilməyən və bölüşdürülməsi mümkün olmayan inzibati idarəetmə xərclərinə aid olan mühasibatlıq,  audit, hüquq, məsləhət, məlumatların təhlili və emalı işlərinin yerinə yetirilməsi üzrə əməkhaqqı xərclərinə görə gəlir vergisi bu Məcəllənin 101.1-1-ci maddəsinə uyğun olaraq hesablanır.

Prezident tərəfindən təsdiq olunan variantda yuxarıda qeyd edilən hər iki maddə çıxarılıb. Artıq bəzi təşkilatların əmək haqqı üzrə işçilərin ayrıca uçot aparmasına ehtiyac qalmayacaq.  Güzəşt tətbiq olunması nəzərdə tutulmayan neft-qaz sahəsində fəaliyyət göstərən şirkət və qeyri-dövlət sektorunun meyarları müəyyən ediləcək. Bu meyara əsasən, artıq güzəşt tətbiq olunacaq vəya olunmayan vergi ödəyiciləri konkret müəyyənləşdiriləcək.

Vergi Qanunvericiliyi və Şərhlər Toplusu 2019 kitabı