Millət vəkili: ""Azercell"ə pul lazımdır, onu da vətəndaşdan çıxardır"

"Azercell” şirkətinin "Asan imza” xidməti üçün ödənişi 1 manatdan 2,5 manata qaldırmasınına millət vəkili Fazil Mustafa da münasibət bildirib. Fazil Mustafa əksər şirkətlər kimi, "Azercell”in də pul lazım olanda, həmin məbləği vətəndaşdan çıxarmaq yolunu tutduğunu bildirib: "Belə vəziyyətlərdə qiymət artımı üçün iqtisadi əsaslandırma-filan tələb olunmur ki… Pul tələb olunursa, bunu vətəndaşdan çıxarmaq lazımdır və elə də edirlər. Bizdə bu məsələlərin qanuni təməli onsuz da yoxdur. Əslində, qiymətlərin nəyə görə belə kəskin şəkildə artırılması haqqında müştəriyə məlumat verilməlidir. Nə dəyişdi, hansı xidmətin səviyyəsi yüksəldildi ki, qiymət artımına ehtiyac yarandı? Ona görə də bu addım qətiyyən anlaşılmır. Ümumiyyətlə, hansı şirkətin imkanı çatırsa, vətəndaşdan daha artıq məbləğ qoparmağa çalışır. O baxımdan, yenə deyirəm, müştəriyə normal məlumat verilməlidir. Bəlkə doğrudan da, şərtlər bu qiymət artımın zəruri edir. Ancaq məsrəflər artmayıbsa, xidmət haqqı niyə bahalaşmalıdır?”

Altay Cəfərovun müəllifi olduğu “Əmək münasibətləri A-dan Z-yə 2018” kitabı SATIŞDA