Vergilər Nazirliyi "Cari vergi ödəmələrinin hesablanması haqqında" arayış formasını YENİLƏNDİ

Vergilər Nazirliyi "Cari vergi ödəmələrinin hesablanması haqqında" arayış forması və "Cari vergi ödəmələrinin hesablanması haqqında" arayışın tərtib edilməsi qaydasını təsdiq edib. Bununla da Vergilər nazirinin 16 aprel 2019-cu il tarixli əmri ilə təsdiq olunmuş arayış forması və qaydalar ləğv edilib. Yeni qaydalar və arayış forması 2019-cu il oktyabrın 1-dən qüvvəyə minəcək. Yəni vergi ödəyiciləri 3-cü rüb üzrə hazırlanacaq arayışı yeni formada təqdim edəcək.

Arayışın doldurulma qaydasında 01 yanvar 2019-cu il tarixdən gəlir vergisi ödəyicisi olan vergi ödəyicilərinin cari vergi ödəməsinin hesablanması qaydası misalla izah edilib:

Misal: 2019-cu ilin yanvar ayında vergi uçotuna dayanaraq gəlir vergisi ödəyicisi olmaq hüququnu seçən və mikro sahibkarlıq subyektinə aid xanada X işarəsi tətbiq etməklə arayışı təqdim edən fərdi sahibkar Məmmədov Məmmədov Arif İslam oğlunun gəlirindən gəlirin əldə edilməsi ilə bağlı xərclərini çıxdıqdan sonra vergiyə cəlb olunan gəlirinin məbləği 2019-cu ilin 1-ci rübündə 12.700,0 manat, 2-ci rübündə 12.950,0 manat və 3-cü rübdə 10.500,0 manat olmuşdur. Beləliklə, 2019-cu ilin 3-cü rübü üzrə “Cari vergi ödəmələrinin hesablanması haqqında Arayış” təqdim edən vergi ödəyicisinin bu dövrə görə hesabat ili ərzində rüblər üzrə artan yekunla gəlirindən gəlirin əldə edilməsi ilə bağlı xərclərini çıxdıqdan sonra vergiyə cəlb edilən gəlirinin həcmi 36.150,0 manat (12.700,0 + 12.950,0 + 10.500 = 36.150,0 (manat)) təşkil  edir. Bu halda cari vergi ödəməsinin məbləği Vergi Məcəlləsinin 151.5.2-ci maddəsinə uyğun olaraq 5.422,50 manatdan az olmamaqla hesablanır ((36.150,0 * 20%) * 75% = 5.422,50 (manat)) az olmamaq şərti ilə hesablanmış cari vergi ödəməsinin məbləğinə 75 faiz vergi güzəşti hüququ verilir və cari vergi ödəməsinin məbləği 1.355,63 manat (5.422,50 * 25% = 1.355,63 (manat)) təşkil edir. Bu halda  Arayışın 298-ci sətrində “Vergi Məcəlləsinin 102.1.30-cu və 106.1.20-ci maddələrinin tələbləri nəzərə alınmaqla cari vergi ödəməsinin həcmi” sətrinin xanalarında məbləğ aşağıdakı kimi yazılır.