Məqalələr

HANSI HESABATIN TƏQDİM OLUNMAMASINA GÖRƏ CƏRİMƏ NƏZƏRDƏ TUTULUR?

  • PDF faylını al

MÜSAHİBİ DÖVLƏT MƏŞĞULLUQ XİDMƏTİNİN  (DMX) ƏMƏK BAZARININ TƏHLİLİ VƏ STATİSTİKASI ŞÖBƏSİNİN MÜDİRİ İSA HƏSƏNOV CAVABLANDIRIR
 
-Hesabatların təqdim olunmamasına görə cərimələr İnzibati Xətalar Məcəlləsinin 318-1-ci maddəsi ilə (Məşğulluğun təmin edilməsi sahəsində məlumatın, hesabatın verilməməsi) tənzimlənir. Həmin maddənin tələblərinə görə, işçilərin sayı və ya ştatları ixtisar edildikdə, işdən çıxarılacaq işçilər və ya boş iş yeri (vakansiya) barədə müəyyən olunmuş müddətlərdə müvafiq icra hakimiyyəti orqanına rəsmi məlumatın verilməməsinə görə otuz manatdan qırx manatadək miqdarda cərimə nəzərdə tutulur.
Eyni zamanda, işəgötürən müvafiq icra hakimiyyəti orqanına, həmin orqanın göndərişi ilə işə qəbul edilənlər, kvota üzrə işə qəbul edilənlər və ya işdən çıxarılanlar haqqında müvafiq hesabatın təqdim edilməməsinə görə isə otuz beş manatdan əlli manatadək miqdarda cərimə edilir.
Göründüyü kimi, yuxarıda qeyd etdiyimiz 1-ci və 4-cü hesabat formalarının (“Boş iş yerləri (vakansiya) haqqında hesabat” və “İşçilərin sayı və ştatları ixtisar edildikdə işdən çıxarılacaq işçilər haqqında hesabat”) təqdim olunmamasına görə otuz manatdan qırx manatadək miqdarda cərimə nəzərdə tutulub. Aylıq hesabat forması olan “İşə qəbul edilən və işdən çıxarılan (o cümlədən: kvota üzrə) işçilər haqqında hesabat”ın təqdim olunmamasına görə isə otuz beş manatdan əlli manatadək miqdarda cərimə tətbiq edilir. 3-cü forma olan “İş yerlərinin və işçilərin orta illik siyahı sayı haqqında hesabat” və 5-ci forma olan “İşçilərin hərəkəti haqqında hesabat”ın təqdim olunmamasına görə qanunvericilikdə hər hansı cərimə tətbiq olunması nəzərdə tutulmayıb. Fikir verdinizsə, inzibati xətaların törədilməsinə görə tətbiq  olunan cərimələrin məbləği həddən artıq aşağıdır. Yaxın zamanlarda cərimələrin artırılması ilə bağlı dövlət orqanlarına müraciət etmək niyyətindəyik. Amma bunu qeyd etmək istərdim ki, bizim məqsədimiz işəgötürənləri daha çox cərimələmək yox, onlarla yaxından əməkdaşlıq etməkdir. Cünki işaxtaranların işlə təmin olunmasına  ən çox yardım göstərən amil işəgötürənlərlə məşğulluq xidmətlərinin əməkdaşlığıdır.

Ardını oxu...

Monitor Konsaltinq jurnalının 38-ci sayı üçün

  • PDF faylını al

Baş redaktor Qalib Toğrulun təqdimatında

Heç şübhəsiz ki, 2012-ci ilin sentyabr ayının ən böyük hadisəsi Macarıstan məhkəməsi tərəfindən ömürlük həbs cəzasına məhkum edilmiş Ramil Səfərovun Azərbaycan Respublikası Prezidenti tərəfindən Vətənə ekstradasiya olunması və əfv edilməsi oldu. Bu təkcə siyasi hadisə deyil, həm də mənəvi və tarixi olay idi. Yəqin ki, Ramil Səfərovun Vətənə dönüşü bir çox ölkələrin tarix dərsliklərinə düşəcək və müxtəlif rakurslardan ona şərhlər veriləcək. Yer üzündə türkün sayının azalması kimi murdar bir məqsədi özünün alı niyyətinə çevirmiş Ermənistanın nifrət püskürən reaksiyası, bir stəkan suda fırtına yaratmaq cəhdləri, atılıb-düşməsi də tarix dərsliklərində bəzən şərh, bəzən də, osmanlı türkləri demişkən, alay konusu olacaq.
Ramil Səfərovun Vətənə dönüşünə, onun əfv edilməsinə Avropa ölkələrinin, ABŞ-ın yumşaq desək, mənfi reaksiyası mənə ötən əsrin əvvəllərində ermənilər tərəfindən amansızlıqla qətlə yetirilmiş Azərbaycan böyük oğullarının – Fətəli xan Xoyskinin, Nəsibbəy Yusifbəylinin, Behbudxan Cavanşirin nakam taleyini xatırlatdı.
Bu dünyanın bir gözü kor, bir qulağı kar olmasaydı, bizim də faciələrimizi görər, bizim də ərşə bülənd olan ah-naləmizi, fəryadımızı eşidərdi. Bu dünyanın türkə, müsəlmana münasibətdə ürəyi daşa dönməsəydi, İstanbulun göbəyində, günün günortasında Azərbaycan Cümhuriyyətinin daxili işlər naziri olmuş Behbudxan Cavanşiri qətlə yetirən Torlakyanı ingilis hakimlər məhkəmə zalından açıb buraxmazdı.
Bu dünyanın bir gözü kor, bir qulağı kar olmasaydı, ötən əsrin 70-ci illərinin sonu, 80-ci illərinin əvvəllərində dünyanın müxtəlif guşələrində, lap elə özünü demokratiyanın beşiyi sayan Avropa ölkələrində neçə-neçə türk diplomat erməni terror maşınının qurbanına cevrilməzdi.

Ardını oxu...

Nəzarət-kassa aparatlarına nəzarət necə gücləndirildi?

  • PDF faylını al

“Monitor Konsaltinq jurnalının 6-cı sayından məqalə

2009-cu ilin sonlarında sonlarında Nazirlər Kabineti 185 nömrəli qərarı ilə 1995-ci ilin 28 dekabrında 266 nömrəli qərarı ilə təsdiq etdiyi "Azərbaycan Respublikasında   nəzarət-kassa  aparatlarının  (NKA) satışı, istismarı, servis, texniki xidmət və təmiri qaydaları haqqında Əsasnamə"sinə əlavə və dəyişikliklər edib. 01 yanvar 2010-cu ildən qüvvəyə minəcək həmin dəyişiklik və əlavələrə əsasən nəzarət-kassa aparatlarına elektron məsafədən ötürmə qurğusu və ya elektron nəzarət lenti quraşdırılacaq. Son dəyişikliklə bağlı “MK” ekspertinin şərhini diqqətinizə çatdırırıq.

DƏYİŞİKLİKLİYƏ SƏBƏB NƏ OLDU?


Ardını oxu...

İcbari sığorta savaşı

  • PDF faylını al

HANSI ŞİRKƏTİN ƏLİ DAHA UZUNDUR?!

Ötən ilin oktyabr ayında qüvvvəyə minən "İcbari sığortalar haqqında" qanun sürücülərin və mənzil sahiblərinə maddi cəhətdən heç də ürəkaçan olmayan bir gələcək vəd etdi. Hökumətin adıçəkilən sığorta növləri ilə bağlı sərt qərarı birmənalı qarşılanmasa da, necə deyərlər, “başa gələn çəkilir”.
Bu yazımızda qərarın verilməsindən ötən 8 aylıq müddətdə onun icrası ilə bağlı zor-xoş görülən işlər, cərimələr, kampaniyalar və  Maliyyə Nazirliyinin bununla bağlı qərarı haqqında məlumat verməyə çalışacağıq.

ÇIXDIN 5-Ə, VUR 25-Ə

Ardını oxu...

DÜNYANIN 14 QADIN MÖCÜZƏSİ

  • PDF faylını al

“MK”-nın 13-cü sayından məqalə

DÜNYANIN 14 QADIN MÖCÜZƏSİ

Dünyada 100-dən artıq milyardçı qadın var. Ancaq onlardan yalnız 14-ü bu sərvəti  istedadı və alın tərilə qazanıb. Sizə təqdim olunan 14 qadının bəziləri biznesə ərləri və ya qardaşları ilə başlasalar da, Coan Roulinq və Opra Uinfri kimi milyardçılar bu işdə qohumlarının yardımına ehtiyac duymayıblar.

U Ya Tsüzün    
Sərvəti: $3.9 mlrd.


«Longfor Properties» daşınmaz əmlak şirkətinin baş direktoru. Tsüzün 4 il fabrikdə mühəndis, 5 il isə informasiya agentliyində jurnalist işlədikdən sonra öz işini qurub. Hazırda Çinin onlarla şəhərində mülkləri var.

Ardını oxu...