Ümumi iqtisadi xəbərlər

2016-ci ilin İş vaxtı norması və İstehsalat təqvimi SAYTIMIZDA

  • PDF faylını al

Hörmətli oxucularımız, Bayramınız Mübarək. Təşkilatımız 15 yanvar 2016-cı il tarixdən etibarən fəaliyyətinə tam olaraq start verəcək. Aktuallığını nəzərə alaraq, 2016-ci ilin İş vaxtı norması və İstehsalat təqvimi təqdim edirik.

Azərbaycan Respublikası Əmək və Əhalinin Sosial Müdafiəsi Nazirliyinin 29 dekabr tarixli 9 nömrəli qərarı ilə 2016-cı ilin İş vaxtı norması və İstehsalat təqvimi təsdiq olunub.  İş vaxtı norması və İstehsalat təqvimi mülkiyyət və təşkilatı-hüquqi formasından asılı olmayaraq müəssisə, idarə və təşkilatlarda Əmək Məcəlləsinin tələblərinə uyğun şəkildə işçilərin iş vaxtı normasının düzgün hesablanması və tətbiq edilməsi məqsədinə xidmət edir.

P.S. Hörmətli, oxucular. Faylı yükləməkdə hər hansı probleminiz yaranarsa, zəhmət olmasa, Hazır ki e-mail adres spam botlar tərəfindən qorunur , Baxmaq üçün Javascripti aktiv etməlisiniz. email adressine və ya comment yazmaqla istəyinizi bildirin. Sənədi Sizə göndərilməsini təmin edək.

 AZƏRBAYCAN RESPUBLİKASININ
ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN
KOLLEGİYASI

QƏRAR

 № 9

                                                            “29”   “dekabr” 2015-ci il                                   
2016-cı il üçün

İŞ  VAXTININ  NORMASI


Azərbaycan Respublikasının Əmək Məcəlləsinə və Azərbaycan Respublikasının Nazirlər Kabinetinin “2016-cı ildə Novruz, Ramazan, Qurban bayramları haqqında” 24 dekabr 2015-ci il tarixli 402 nömrəli  qərarına  əsasən 2016-cı ildə aşağıdakı günlər iş günü hesab edilmir:         

1-2 yanvar

Yeni il bayramı;

20 yanvar

Ümumxalq hüzn günü;

8  mart

Qadınlar günü;

20, 21 , 22, 23, 24 mart

Novruz bayramı;

9 may

Faşizm üzərində qələbə günü;

28 may

Respublika günü;

15 iyun

Azərbaycan xalqının milli qurtuluş  günü;

26 iyun

Azərbaycan Respublikasının Silahlı Qüvvələri  günü;

      6,7 iyul

--

Ramazan bayramı;

12,13 sentyabr

--

Qurban bayramı;                                                  

9  noyabr

--

Azərbaycan Respublikasının Dövlət Bayrağı günü

31 dekabr

--

Dünya azərbaycanlılarının  həmrəyliyi günü.

     

   Azərbaycan Respublikasının Əmək Məcəlləsinin 105-ci maddəsinin 5-ci hissəsinə və Azərbaycan Respublikası Nazirlər Kabinetinin ”2016-cı ildə Novruz, Ramazan, Qurban bayramları haqqında” 2015-ci il 24 dekabr tarixli 402 nömrəli qərarına əsasən 2016-cı ildə həftələrarası istirahət günlərinin iş günləri hesab olunmayan bayram günləri ilə üst-üstə düşməsi ilə əlaqədar olaraq  beşgünlük  iş həftəsində 25 mart, 30 may, 27 iyun, altıgünlük iş həftəsində isə 25 mart və 27 iyun  tarixləri istirahət günləridir.  
   2016-cı ilin fevral ayı 29 təqvim günündən, il isə 366 təqvim günündən ibarətdir.
   2016-cı ildə beşgünlük iş həftəsində 243 iş günü (onlardan,6-sı bayramqabağı, 1-i Ümumxalq hüzn günü qabağı iş günləridir), iş günü hesab edilməyən 109 istirahət günü  (onlardan, 4-ü iş günü hesab edilməyən bayram günləri ilə üst-üstə düşən həftələrarası istirahət günlərinin əvəzinə verilən istirahət günləri), iş günü hesab edilməyən 18 bayram günü (5-i istirahət günləri ilə üst-üstə düşən) və 1 Ümumxalq hüzn günü vardır  (243+109+18+1-5=366).
   Azərbaycan Respublikasının Əmək Məcəlləsinin 89-cu və 90-cı maddələrinə əsasən Azərbaycan Respublikasında gündəlik normal iş vaxtının müddəti 8 saatdan artıq ola bilməz və bir qayda olaraq iki istirahət günü olan beşgünlük iş həftəsi müəyyən edilir. Gündəlik normal iş vaxtına uyğun olan həftəlik normal iş vaxtının müddəti isə 40 saatdan artıq ola bilməz.
   2016-cı ilin iş vaxtı norması 40 saatlıq beşgünlük iş həftəsi üzrə 8 saatlıq iş günü hesabından müəyyən edilir və bu zaman Azərbaycan Respublikasının Əmək Məcəlləsinin 108-ci maddəsinin 1-ci hissəsinə müvafiq olaraq iş günü hesab edilməyən bayramqabağı, səsvermə, habelə Ümumxalq hüzn günü qabağı iş günlərində həftəlik iş günlərinin müddəti bir saat qısaldılır.
   Qanunvericiliyə uyğun olaraq 2016-cı il üçün 40 saatlıq iş həftəsində iş vaxtının illik norması 1937 saat təşkil edir (236 x 8 + 7 x 7 = 1937 saat).
   İstehsalın, işin, xidmətin və əmək şəraitinin xarakterindən asılı olaraq  tətbiq edilən bir istirahət günü olan altıgünlük iş həftəsi və müəyyən qeydiyyat  (uçot) dövrü üçün növbə cədvəlləri beşgünlük iş həftəsinin həmin dövr üzrə iş vaxtı normasına riayət edilməklə tərtib olunur. Əmək Məcəlləsinin 90-cı və 108-ci maddələrinə əsasən altıgünlük iş həftəsi tətbiq edilərkən həftəlik norma 40 saat olduqda gündəlik iş vaxtının müddəti 7 saatdan və bilavasitə sonrakı gün istirahət günü olan iş gününün müddəti isə 6 saatdan çox ola bilməz. Azərbaycan Respublikasının Əmək Məcəlləsinin 91-ci, 92-ci və 93-cü maddələrində nəzərdə tutulmuş hallar istisna olmaqla, qalan iş yerlərində səsvermə, bu Məcəllənin 105-ci maddəsində göstərilən iş günü hesab edilməyən bayram günləri və Ümumxalq hüzn günü qabağı iş gününün müddəti həftəlik iş günlərinin sayından asılı olmayaraq bir saat qısaldılır. Altıgünlük iş həftəsi olan iş yerlərində 40 saatlıq iş həftəsində çalışan işçilər üçün 2016-cı ildə beşgünlük iş həftəsi üzrə hesablanmış 1937 saatlıq illik iş vaxtı norması tətbiq edilməlidir.
   İş vaxtının qeydiyyatı (uçotu) dövründə və ya təqvim ili ərzində iş vaxtı saatları iş vaxtı normasına uyğun gəlirsə, ayrı-ayrı aylarda iş vaxtının normal iş vaxtından az və ya çox işlənilməsi halları, altıgünlük iş həftəsi cədvəlinə yenidən baxılması üçün əsas ola bilməz.
   İş vaxtının illik normasına görə altıgünlük iş həftəsi cədvəlinə il ərzində düzəliş edilməsi ilə bağlı konkret məsələlər istehsalat və digər yerli şərait nəzərə alınmaqla bilavasitə kollektiv müqavilədə nəzərdə tutulmaqla həll olunur.
   Qeydiyyat (uçot) dövründə iş vaxtının müddəti qanunvericiliklə müəyyən olunmuş iş saatlarının sayından çox olmamaq şərti ilə iş vaxtının cəmlənmiş uçotu tətbiq edilə bilər. Bu halda qeydiyyat (uçot) dövrü bir ildən artıq, gündəlik işin (növbənin) müddəti isə 12 saatdan çox ola bilməz.

 

"Monitor Konsaltinq Servis" fəalliyyətinə 31 dekabr 2015-ci il tarixinə kimi fasilə verib

  • PDF faylını al

Əziz oxucular!
Dəyərli həmkarlar!
Monitor Konsaltinq Servis MMC fəaliyyətə başladığı 2009-cü ildən bütün istiqamətlər üzrə gördüyü işləri Sizin istəkləriniz üzərində qurub. Sevindiricidir ki, bu yanaşma təşkilatımıza uğur gətirib, çox maraqlı layihələrin həyata keçirilməsinə imkan verib. Bugünədək mühasibat, kadrlar işi və iqtisadi qanunvericlik sahəsində ərsəyə gətirdiyimiz 20-dən artıq nəşrin və hamınızın yeni sayını səbirsizliklə gözlədiyiniz “Monitor Konsaltinq” jurnalının çapı da məhz dəyərli oxucu və mütəxəssis rəylərinin nəzərə alınması sayəsində böyük uğur qazanıb, əks-səda yaradıb.

Ardını oxu...

Avropaya səfər etmək istəyənlər üçün ŞAD XƏBƏR

  • PDF faylını al

Azərbaycan Prezidentinin göstərişi ilə Bakı ilə Budapeşt arasında birbaşa uçuşlar həyata keçirən WİZZ Air aviaşirkətinin fəaliyyətini yaxın günlərdə bərpa ediləcək

Azərbaycan-Macarıstan hökumətlərarası birgə iqtisadi komissiyasının növbəti beşinci iclasının keçirilməsi ilə əlaqədar İqtisadiyyat və Sənaye Naziri Şahin Mustafayevin başçılıq etdiyi nümayəndə heyəti aprelin 21-də Budapeştə səfər edib.

Azərbaycanın Macarıstandakı səfirliyindən Trend-ə bildiriblər ki, səfərin ilk günü Macarıstanın Xarici işlər və xarici ticarət nazirliyində ölkənin xarici işlər və ticarət naziri Piter Siyyarto ilə azərbaycanlı həmkarının görüşü olub.

Ardını oxu...

Maliyyə Nazirliyindən mühasiblər və Audit sahəsində çalışanlar üçün ƏLA ŞANS

  • PDF faylını al

Tələsin, Akkredaksiya ödənişsiz əsasla həyata keçirilir...

Maliyyə Nazirliyi yanında Maliyyə Elm-Tədris Mərkəzi (METM) Nazirliyin və Dünya Bankının birgə “Korporativ və Büdcə Sektorlarında Hesabatlılıq” Layihəsi çərçivəsində Azərbaycanda mühasibat uçotu və audit sahəsində çalışan təlimçiləri ödənişsiz əsaslarla METM-də akkreditasiyadan keçməyə dəvət edir.

Eyni zamanda, mühasibat uçotu və audit üzrə təlimçilərin və ya bu sahədə karyeralarını qurmaq və potensiallarını tam olaraq reallaşdırmaq istəyən şəxslərin davamlı təhsilini təmin etmək məqsədilə METM ödənişsiz olaraq aşağıda qeyd olunan fənlər üzrə təlimçiləri "İmtahan suallarının hazırlanması metodikası" və "İmtahan nəticələrinin qiymətləndirilməsi metodikası" üzrə seminara dəvət edir. Seminar aşağıdakı fənlər üçün keçiriləcəkdir:

Ardını oxu...

Mərkəzi Bankın İdarə Heyətinin sədri dollar kreditləri məsələsinə aydınlıq gətirdi

  • PDF faylını al

Elman Rüstəmovun sözlərinə görə, Azərbaycan xalqının inamı hər şeyi açıq danışmaqla, şəffaflıqla bərpa ediləcək.

 

“Manatın korreksiyasından sonra da valyuta satışı davam edir. Bundan sonra 1 milyarddan çox valyuta satmışıq”.

Modern.az saytı xəbər verir ki, bunu Milli Məclisin İqtisadi siyasət komitəsinin iclasında Mərkəzi Bankın İdarə Heyətinin sədri Elman Rüstəmov deyib. O, manatın ucuzlaşmasından sonra Azərbaycan cəmiyyətinin etibarını necə bərpa etmək yollarından da söz açıb. Rüstəmovun sözlərinə görə, Azərbaycan xalqının inamı hər şeyi açıq danışmaqla, şəffaflıqla bərpa ediləcək. Elman Rüstəmov bildirib ki, Azərbaycan dollarlaşma üçün öz valyutasını satmaqdan imtina edə bilməz. O, bugünkü valyutanın yarısının dollarlaşmaya sərf olunduğunu vurğulayıb:

“Bu proses hələ ki davam edir. Çox güman ki, aprel-may aylarına qədər davam edəcək”.

Mərkəzi Bankın İdarə Heyətinin sədri E.Rüstəmov deputat Vahid Əhmədovun manatın devalvasiyasının ardından manatla götürülən kreditlərin aqibəti barədə verdiyi sualı da cavablandırıb.

“Kim müqavilə ilə hansı valyuta ilə kredit götürübsə, həmin valyuta ilə də geri qaytarmalıdır. Bazar iqtisadiyyatı şəraitində bankların hansı valyuta ilə kredit verməsi onların öz işidir. Onlar öz risklərini elə özləri müəyyənləşdirir. Biz banklara tövsiyə edirik ki, kreditlərin vaxtını uzatsınlar. Bu bankların da marağındadır”.

Elman Rüstəmovun sözlərinə görə, faiz dərəcələri yüksək olan banklar əhali üçün güzəştə getməlidirlər: “Bu proses başlayıb. Yaxın vaxtlarda rübün yekunları əsasında açıqlamalar veriləcək”.

Ardını oxu...