Qismən ödənişli sosial məzuniyyətə çıxan işçinin əmək funksiyasının icrası ilə bağlı xidməti müqavilə imzalana bilər?

Satışı davam edən “A-dan Z-yə: Kargüzarlıq” kitabından seçmə

Xidmət müqaviləsinin bağlanılmasını qadağan edən daha bir hal işlərin (xidmətlərin) əvəzçilik və ya müvəqqəti əvəzetmə qaydasında yerinə yetirilməsidir. Bu halda tərəflər arasında yaranan münasibətləri Əmək Məcəlləsi əmək münasibətləri kimi xarakterizə edir. Ancaq təcrübədə rast gəlinən hallardan biri də budur ki, işəgötürən, məsələn, qismən ödənişli sosial məzuniyyətə və ya öz hesabına uzunmüddətli ödənşsiz məzuniyyətə, ya da yaradıcılıq məzuniyyətinə çıxan işçinin yerinə yeni işçi götürmür, işçinin əmək funksiyalarının icrası üçün VÖEN-i olan fiziki şəxslə (fərdi sahibkarla) xidmət müqaviləsi bağlayır. Qeyd etdiyimiz kmi, bu, əmək qanunvericiliyinə ziddir. Əgər belə bir hal varsa, mütləq mülki hüquqi müqavilə əmək müqaviləsi ilə əvəz olunmalıdır.

Hesab edək ki, dizayner vəzifəsində çalışan işçi qismən ödənişli sosial məzuniyyətə çıxıb. Onun vəzifə funksiyalarının icrası üçün VÖEN-i olan fiziki şəxslə xidmət müqaviləsi bağlanılıb. Əmək münasibətlərinin dəqiqləşdirilməsi ilə bağlı Əmək Məcəlləsinə olunan əlavələrdən sonra həmin xidmət müqaviləsi əmək müqaviləsi ilə əvəz olunmalıdır.

2021-ci ilin iyul ayında satışda olan kitablar: