Əmək və Əhalinin Sosial Müdafiəsi Nazirliyinin rəsmisi: “İşçiyə minimum əmək haqqından az maaş bu şərtlə ödənilə bilər”

Əmək və Əhalinin Sosial Müdafiəsi Nazirliyinin Əmək siyasəti şöbəsinin müdiri Əbülfət Məhərrəmov Asan Radio-da yayımlanan “DOST məsləhəti” verilişində minimum əmək haqqının artırılması ilə bağlı maraqlı məqama toxunub:

”Bir məsələni də qeyd etmək istəyirdim ki, bəzən vətəndaşlar natamam iş vaxtında işləyirlər. Həmin işçilər 0.5 vəya 0,25 stavka işləyirlər. Bu zaman işçinin əmək haqqısı minimum əmək haqqından az ola bilir. Tutaq ki, işçinin aylıq vəzifə maaşı 400 manatdır, O isə 0.5 stavka işləyir. Bu halda ona 200 manat əmək haqqı ödənilə bilər.Bu heç də o demək deyil, işçinin əmək haqqısı minimum əmək haqqından aşağıdır. Əmək haqqı iş vaxtına proporsional surətdə  ödənilir. Minimum əmək haqqından az verilib-verilməməsi məsələsi tam iş vaxtında norma işləmiş işçilərlə münasibətdə nəzarət ediləcək.”