“Əmək və kollektiv müqaviləsinə əmək normalarının pişləşdirilməsini nəzərdə tutmayan hər hansı əlavə şərti qeyd etmək olar. Əmək Məcəlləsinin 140-ci maddəsinin beşinci hissəsinə əsasən, işçiyə məzuniyyət vaxtı üçün orta əmək haqqı məzuniyyətin başlanmasına ən geci 3 gün qalmış ödənilməlidir. Əmək Məcəlləsinin 140-ci maddəsində bəndin bu cür qeyd edilməsinin məqsədi barədə məlumat vermək istəyirəm.  Tutaq ki,  işçi məzuniyyət dövründə hər hansı sanatoriya vəya xarici ölkəyə istirahət etməyi planlaşdırır, amma işəgötürən ödənişi məzuniyyət başlamadan öncə həyata keçirməyib.  İşçi ilə bağlanan əmək və ya kollektiv müqavilədə məzuniyyət haqqının sonradan yəni növbəti əmək haqqı ilə eyni vaxtda ödənilməsi nəzərdə tutulması artıq işçinin əmək normasının pisləşməsi halı kimi qəbul edilə bilər.  Hal-hazırda əmək qanunvericiliyi buna imkan vermir, o səbəbdən də fərdi əmək mübahisələrində məzuniyyət haqqının gec ödənilməsi işəgötürənin səhvi kimi qəbul ediləcək. “

Qeyd edək ki, bu fikirlər  Mks.az saytının təşkilatçılığı 11 yanvar 2020-cu il tarixdə keçirilən "Əmək Məcəlləsi: sadəddən mürəkkəbə" adlı ödənişsiz seminarda səsləndirilib.

 "Əmək qanunvericiliyi Toplusu və Şərhlər: 2020" və "Vergi qanunvericiliyi Toplusu və Şərhlər: 2020" kitabı artıq satışda