Həmkarlarımız təqdim etdikləri sənədlərə əsasən, Maliyyə Nazirliyinin uçot siyasəti şöbəsi tərəfindən 2019-cu ilin sonlarında tərtib olunan inzibati xəta haqqında protokol sənədinə əsasən, məhdud məsuliyyətli cəmiyyət 2017-ci il üzə maliyyə hesabatlarının 2018-ci ildə auditinin aparılmamasına görə törədilmiş inzibati xətaya görə məsuliyyətə  cəlb olunur.

Mks.az saytı olaraq, orta və iri sahibkarlıq subyektlərinin illik maliyyə hesabatlarının düzgünlüyünü yoxlatmaq üçün hər il müstəqil auditor cəlb olunmasının tərəfdarıyıq. Amma sahibkarın 2017-ci il üzrə baş verən xətaya görə cərimələnməsi də vergi ödəyicilərində müəyyən narazılıqlar yaratması da gözləniləndir.

İnanırıq ki, Maliyyə Nazirliyi sahibkarları məcburi auditdən yayınmağa görə ötən illər üzrə cərimələnməsini dayandıracaq və onların 2019-cu il üzrə maliyyə fəaliyyətinin auditinin həyata keçirməsi barədə maarifləndirmə işlərini həyata keçirəcək.