Şirkət intervyü keçirərək işə qəbul etdiyi işçiyə sınaq müddəti təyin etməlidir?

"Əməyin uçotu: A-dan Z-yə" kitabından seçmə

Bəzi işəgötürənlər hər hansı vəzifəni tutmaq üçün müsabiqə elan edərək namizədləri test sualları və intervyulara cəlb edirlər. Test imtahanları və intervyuları müvəfəqqiyətlə keçən namizəd işə qəbul olunduqda, onlara da sınaq müddəti təyin edilir.

Əmək Məcəlləsinin 52-ci maddəsinə əsasən, Əmək müqaviləsi bağlanılarkən sınaq müddəti müəyyən edilməyən hallara müsabiqə yolu ilə müvafiq vəzifəni tutanlar da aid edilmir. Maraqlıdır ki, sınaq müddəti təyin edilməsinə məhdudiyyət qoyulan hallara müsabiqə yolu vəzifəsiyə təyin olunma bütün müəssisə və işçilərə aid edilməlidir?
Əmək Məcəlləsinin 50-ci maddəsi müsabiqə yolu ilə vəzifələrin tutulması zamanı əmək münasibətlərinin tənzimlənməsi ilə bağlıdır. Hamin maddədə qeyd edilib ki, yerinə yetiriləsi işin, əmək funksiyasının xarakteri ilə əlaqədar olaraq bəzi vəzifələri tutmaq üçün işəgötürən müəyyən olunmuş qaydada müsabiqə elan edə bilər. Həmin maddədə həmçinin göstərilib ki, müəyyən vəzifələrin müsabiqə yolu ilə tutulması elmi müəssisə və təşkilatlar və təhsil müəssisələrində elmi, elmi-pedaqoji fəaliyyətlə bağlı vəzifələr üzrə elan edilir. Bu maddədən belə aydın olur ki, müsabiqə yolu vəzifələrin tutulması sırf dövlət müəssisələrə və qanunvericiliklə müəyyən edilən bəzi vəzifələrə şamil edildiyindən digər işəgötürən həyata keçirdiyi müsabiqələrin nəticəsi olaraq işəqəbul olunan şəxslərə sınaq müddəti müəyyən edə bilər.